April Favorites 2016

صباح \مساء الخير جميعا 

و اجازه سعيده عليكم جميعا 

من زمان ماسويت تدوينة عن المفضلات عندي اشياء كتيره ابغي اتكلم عنها 

 بس 

قلت ماابغى البوست يكون مررره طويل و تطفشوا 

اليوم راح اتكلم عن ٦ منتجات مفضلة عندي 

و هي بلشرز من ماك 

بودره معدنية من ماك 

اضاده من اناستازيا 

ايلاينر كريمي من استازيا 

روج سائل مطفي من كات فان دي 

رموش من هاوش اوف لاشيز



 بسم الله نبدأ باول منتج مرره حبيتوا و كنت مررره فرحانه و انا اشتريه

GLOW KIT - THAT GLOW From anastasia beverly hills

وهو عباره باليت يجمع ٤ اضاءات جميلة و البيمنتشين ممتاز
و اكتر شي عجبني فيها ان حبات الشيمر فيها صغيره
و تعطيكي قلو مررررره جميل
غير كدا كل حبه من الهالايتزر تقدري تشليها و تحطيها في باليت تاني مثلا زي باليت او الباليت المعدنية حقت ميك اب فور ايفر
بس انا عاجبتني زي ماهيا و ماافمر اشيلها من الباليت حقها
انا اشتريتها من سيفورا اللي في شارع التحلية
و سعرها ٢٥٠ ريال سعودي
و للاسف القلو باليت لمتيد ادشن بس ان شاء الله تحصولها  و في منها لون  تاني و قريب راح ينزلوا لون ثالث
و هدا وصف الالوان من الموقع حق انستازيا

Sunburst – Bright, luminous gold with a metallic finish

Golden Bronze – Sultry, warm bronze with a gold-flecked finish

Bubbly – Rose champagne with a pearlescent finish

Dripping in Gold – Lavish gold with a vivid, reflective finish

WATERPROOF CRÈME COLOR

Shade Description: Deep black

 Jet 

اكتر ايلاينر عجبني ليا سنة وانا استخدموا 

تركيبتوا جل و ناعم وسوادوا سواد فاحم صراحه سحبت على كل الايلانرز اللي عندي 

حتى كحلت جوه عيوني و الحمدلله عيوني مادمعت و لا اتحسست 

واحلى شي انو ضد المويه و العلبة حقتوا زجاجية و ماينشف بسرعة لو سنة ماشاء الله عندي و كانو جديد 

حقيقي انصحكم تشتروه 

سعروا 18 دولار امريكي اشتريتوا من موقع نوردستروم 

Nordstrom

MINERALIZE SKINFINISH NATURAL From mac 

افضل بودره تثبتلك كريم الاساس هيا البودره دي 

مررره خفيفة و فيها شين بسيط حتى ماتعطيكي اللوك المغبر 

وفي منها درجات كتيره انا درجتي

DARK

وفي اغنق منها كمان و كتير خبيرات تجميل يستخدموها كبرونز 

و الفنش حقها مررره طبعي على البشره ماتبين وجهك كيكي 

تلاقهوها في محلات ماك او تقدروا تشتروها اونلاين 

Powder Blush From mac 

البلاشرز عند ماك تحتاري ايش تاخدي و ايش تخلي و في كل الالوان اللي تناسب جميع اللوان البشرات
 بس انا اكتر لونين يعجبوني مررره هما

AMBERING ROSE : لونوا مشمشي وفيه شويه شين لون ذهبي و مررره يجنن على السمر و الحنطاويات 

 Sheertone Shimmer تركيبتوا 

ونجي للبلشر اللتاني 

RAIZIN : برونزي محمر و مطفي برضو جميل على البشره السمره و البقمنتيشن حقوا قوي فلمن تجي تحطيه لاتتحمسي و تكتري منو 

تحصلوها في محلات ماك او تقدروا تشتروها اونلاين 

Kat Von D

Everlasting Liquid Lipstick

COLOR  : Exorcism - ripe blackberry

روج من كات فان دي

سائل و مطفي  

  هدا اللون من اكتر الالوان اللي عجبتني و يناسب جميع الوان البشرات  

الجميل فيها انها ماتنشف الشفايف ابدا و تجلس معاكي تقريبا حق ٦ ساعات 

بس ممكن تختفي من الوسط ازا اكلتي شي دهني 

في مجموعة حلوه من الالوان عندهم روحوا شوفوها 

تلاقهوها في سيفورا و سعرها ١٠٠ ريال سعودي 

house of lashes

الرمش الكحيل الجميل اللي حبيتوا مرررره و مررره ناسبتني و حسيت اني مااستنغى عنو ابدا خصوصا في ميك اب الزوجات و العزايم الكبيره
الرمش من هاوس اوف لاشيز و اسمو ايكونيك
طبعا هدا النوع الرمش يدوم معاكي فتره طويلة وتدري تستخدميه اكتر من ١٥ مره بس طبعا لازم تعتني بيها و تنظفيها برقه بعد كل استخدام

و كل سنة و انتوا طيبين و مبارك عليكم الشهر

6 comments Favorites