مرحبا ياحلووات
كيفكم ان شاء الله يارب كلكم تكونوا بخير و سعادة
اليوم انا حلبه اتكلم لكم عن فانديشن من كلينيك ليا فترة باجربوا
طبعا زي ماحنا عارفين ان شركة كلينيك هيا شركة طبية و كل منتجاتها خالية من العطور و فيها تنوع في درجات الاساس لكل الاندرتونز و غير كدا الفانديشنز عندهم تعتبر علاجية زي مهو مكتوب في موقعهم
نجي للفانديشن الجميل
Beyond Perfecting™ Foundation + Concealer
اولا: الباكجينق ماعجبني مرررره لان شكلو ري الكونسيلر فماحبيت الفكره دي ابدا
ثانيا : االعبوه الزجاجية شكلها حلووو بس تخافي تنكسر عليكي لو طالحت
ثالثا : مررره حبيت تنوع الدرجات عندهم يعني عندهم الوان تناسب البنت البيضا و السمراء و اللي بشرتهم داكنه كمان
رابعا : تركبية الفانديشن فل كفر يعني تعطيلك الحبوب و التصبغات ( بس اثار الحبوب ماادري لان ماعندي الحمدلله
طبعا لمن استخدمتوا ماحطيت كونسيلر تحت عيني بس حطيت كوكتر برتقالي
خامسا: الفانديشن دا يبناسب جميع انواع البشرات ، انا بشرتي دهنية و ناسبني الحمدلله مع انو يعتبر فانديشن مرطب و خالي من الزوت
سادسا : بالنسبة للثبات يثبت تقريبا من ٣ لي ٧ ساعات ، انا عن نفسي ماحطوا الا في المناسبات الكبيره و الافراح
سابعا : الفانديشن دا هوا صح فل كفر بس تركيبتوا كريمية و ماتخليكي تحسي ان الاساس ثقيل او كانك حاطه قناع غير كدا و احلى شي ان مافيه عامل الواقاية من الشمس فلو اتصورتي بيه ماراح يعطكي وايت كاست
ثامنا : و بالنسبة للسعر مافتكر هنا بكم لاني اشتريتوا من موقع نوردستروم ، واماكن البيع في جده تحصلوه في بايس قاليري او دبنهامز
ملاحظة صغيره : ممكن تستخدمي نفس الفانديشن كبيبي كريم ، تحطي منو نقطتين مع كريم مرطب او واقي شمس و بكدا صار عندك بيبي كريم
و نترككم مع الصور و بس ياجميلات
شرح كافي ووافي :) احب الفاونديشن الي يصير ينفع كونسيلر و بنفس الوقت يتخفف ويصير بيبي كريم ههههه. من عبوته ينفع حق الشنطة ()
ReplyDeleteتدوينه جميلة يبي لي أجربه بما إنه طبي حاسه بشرتي مؤخراً تحسس من العطور شكرا يا جميلة
ReplyDelete