MAKEUP GEEK 9-EYESHADOW STARTER KIT With MAKEUPFOREVER Magnetic Platte

السلام عليكم جميلاتي

كيف حالكم

اليوم الريفيو حيكون عن اكتر شي احبو في الميك وهو الايشدوز

عندي عشق لي باليتات الايشدوز دايما بس حاليا صرت افضل الايشدوز السنقل
وازا سالتوا ليش  ؟ لان الايشدوز السنقل البقمنتيشن حقها قوي و اللون يكون مركز اكتر و غير كدا تقدري تختاري الالوان اللي تناسبك
بالنسبة للباليتات هيا حلوه ولكن لازم يكون في لون او لونين ماراح يعجبك او مايكون اللون مناسب عليكي

نجينتكلم عن كيف بدأت شركة ميك اب قيق
صاحبة الشركة اسمها مارلينا و هيا ميك اب ارتيست كانت تشتغل في ماك و فجاه انتجت شدهات مشابه لي ايشدهات ماك في الجودة و لكن ارخص في السعر
و من وقتها كل فتره بتنزل ايشدوز جديده و بالوان كتيره و تركيبات مختلفة واخر شي نزلت بلشرات
تناسب كل درجات البشره

عن المنتج

هدي الالوان التسعة هيا المجموعة الاساسية
و هدي المجموعة تقدري تستخدميها في جميع انواع اللوكات سواء كان كت كريس او سموكي او لوك نيتروال


ملمسها زي الزبده وازا جفنك مو دهني ماراح تحتاجي برايمر
و  يبان معاكي اللون من اول  مسحة

في بعض الالون تشبه ماك اي شدوز
مثل

Mocha - Mac Expresso 

Shimma Shimma - Mac Naylon 

Cocoa Bear - Mac Brown Script

اكثر لونين تحبهم مارلينا لون باسمها(امو مارلينا فوشي صارخ ) و لون كوكو بير لانو باسم زوجها 

طبعا ازا بحثتوا في النت راح تحصلوا سوتشات اكتر والوان اكثر 

رأي في المنتج 

عن نفسي صراحة تستاهل كل ريال يندفع فيها 

وهدي الالوان مررره تناسب كل البنات بجميع الوان البشرات 

غير كدا مره ممتازه في السفر لان تقدري تستخدمي لون موكا كبودره للحواجب 

و اللون الاسود كاايلاينر  

وايضا لون شيما شيما كاضاءه في الوجه 

وصف الالوان من الموقع 

Colors Included In This Starter Kit 

Cocoa Bear –  Matte golden brown 

Mocha – Matte Warm medium brown 

Glamorous – Bronzy, shimmery gold

Creme Brulee – Medium sand color with a soft matte finish 

Shimma Shimma – Shimmery highlight

Drama Queen – Densely dark purple with a shimmery finish 

Prom Night – Pale purple with hints of grey and a shimmery finish. 

Unexpected – Light and subtle pink matte purple blend

Corrupt – Intense matte black with small bit of sparkle

و نجي للصور 

الصوره مأخوده من النت 

السعر 

سعر الكت حوالي ٥٠ دولار 

وسعر الشدو الواحد ٦ دولار 

اماكن تواجدها 

موقع ميك اب قيك

MAKE UP GEEK 

او التاجرات 

و نجي لاخر شي في البوست 

MAKEUPFOREVER Magnetic Platte

الباليته المغناطيسية هدي اخدتها من ميك اب فور ايفر بوتيك و سعرها ٥٠ ريال سعودي فقط ، هدي اصغر مقاس 

ليش اخترتها لانها احسن من الزي باليت و يجي معاها اسفتجة سوداء و قطعة بلاستيك شفافة 

والعرض من القطعتين دي حماية الايشدوز في حاله ازا طاح الباليت 

مايتكسر عليكي 

 :) 

اشوفكم على خير ان شاء الله و اعتذر على الاطالة 

2 comments Beauty