منتجاتي المفضلة للعناية بالبشرة الدهنية من الدرق ستور

السلام عليكم و رحمة الله و بركات

       اليوم التدوينة راح تكون عن منتجات العناية بالبشرة الدهنية و كلها من الدرق ستور يعني تحصلوها في السوبرماكت

بسم الله نبدأ

  

Deep Pore Charcoal Cleanser From Biore 

 هدا الغسول عبارة عن جل و فيه حبيبات فحم الطبيعي  و هدا الغشول مناسب للبشرة الدهنية و اللي فيها مسام واسعة
طبعا الغسول دا ينظف و يطهر المسام و حسيت ينظف الوجه من العمق و ينعش البشرة
كل مره اغسل وجهي بصراحه احس وجهي نظيف من القلب و حتى المسام و فيه احساس حراره شويه بس برضو عاااجبني ممررره و ان شاء الله راح اشتريه مره تانية
طبعا انا اشتريتوا من سوبر ماركت الدانوب و غير كدا لمن دخلت على النت شفت  منتجات كتيره من نفس الشركة بس للاسف مو موجوده عندنا و ان شاء الله ازا ةربتها راح اكتب عنها
 بالنسبة للسعر مني فاكره كم بالضبط صراحة

Purifing Neem Mask From Himalaya 

  هدا الماسك الطيني عباره عن طين منقي للافرزات الدهنية ومنظف للمسامات
 ووظيفة النيم هي تنقية الوجه البكتيريا المسببة لي حب الشباب و البثور
ريحتو تشبه رائحة الحنه و لونوا كمان
تجربتي معاه كانت جميلة صراحة شفت انو نظف المسام و شدها
بس بالنسبة لي لي حب الشباب و كدا انا ماعندي الحمدلله بس اكييد راح يفيد اي وحده عندها حب شباب
بالنسية للسعر كان في الثلاثينات و اشتريتوا من صيدلية النهدي و تحصلوه في اي سوبر ماركت
ازا ماتعرفوا فوائد النيم ادخلو قوقل واقرأو عنها



و نجي لاخر منتج اللي هو اشهر مقشر في العلم و انا متاكده ان كل البنات استخدمووه 

ST.Ives Apricot scrub Invigorating 

المقشر دا في منو انواع كتيره تناسب جميع انواع البشرات حتى الحساسة في ليها نقشر و الجافة كمان
خلينا نقول دا مقشري النفضل لانو مافيه مواد حسستلي بشرتي و غير كدا يقشر مررره كويس البشره
انا من زمااان مرره استخدموا من اول مابدات اعتني ببشرتي تقريبا يعني اول مابلغت
و طبعا استخدموا من مرتين الى ثلاث مرات في الاسبوع  بعد ماتقشري بشرتك راح تحسي بنعوومه و الدهون تخف
و امتر وقت احب استخدموا فيه بعد ماامسح الميك خصوصا ازا كان ميك اب ثقيل و بصراحة ينظف البشره من القلب و ازا حبيتي تستخدميه خدي النوع اللي يناسب بشرتك
طبعا متوفر في كل السوبرماركت الكبيره و كل الصيدليات 

و شكرا و نشوفكم في البوستات الجاية 

2 comments Favorites, Skin Care