May Favorites 2015 / مفضلات شهر مايو

مساء الخير ياحلوين   اليوم التدوينة راح تكون عن نفضلاتي لي شهر مايو مع انو اغلب المنتجات جربتها قبل شهر مايو و كلها مفضلات مكياجيه :)




Smash box Studio Skin 15 Hour Wear  Hydrating Foundation   


اول شي فانديشن ستوديو سكن من سماش بوكس ،مررره عاجبني لانو خالي من الزيوت و جدا مناسب للبشرة الدهنية و المختاطة ،    غير كدا مافيه حماية من الشمس فهده ميزه حلوه لان ماراح يعطي فلاشك باك او وايت كاست للوجه طبعا الفاتديشن ثابت جدا على البشره لي  حوالي ٧ ساعات حتى لمن دهن وجهي الفانديشن في  مكانوا يعني مااتكتل او اختفى من مكانوا انا طبعا كنت حاطه برايمر سماش بوكس فوتو ريدي كانت للاسف عينة صغيره جدا و ممررره حبيت البرايمر و حطيتوا في اللسته    حق المشتريات لاني ناويه عليه و مرررره عجبني . مررره مرتاحه على الفانديشن و حستوا يشبه ماك برو لونغ وير بس هدا تركبيتوا اخف منو ودرجتي 4.1



Naked Basics 2 From Urban Decay 




الباليت دي مررره مشهوره و كل البلوقرز العرب و الاجانب يحبوها ، انا طبعا كنت مستحقرتها و كارهتها و كل ماافتح الدرج نفسي اصرفها او اعطيها اي احد . قبل فتره دخلت اليوتوب و شفت فيديوهات عنها برضو مااقتنعت الى ان جاء اليوم اللي قلت لي لنفسي جربيها مني خسرانه شي . جربتها وووقعت في غرامها  الالوان حلوووه علي بشرتي مع اني كنت اشوفها باهته . اكتر شي عجبني فيها كل الاوان مطفية الا لون واحد في شويه لمعه خفيفه . حسيت الباليت الجميلة دي مررره مناسبة للسفر او ازا انت من البنات اللي تشيلي ميك اب في الشنطة دي مررره حلوه، وحستها مناسبة لكل الاعمار و الحمد لله ماصرفتها و اعطيتها فرصة و جربتها و  عجبتني . بس اتمنيت يكون فيها لون بني نحمر كانت راح تكون ذا برفكيت باليت  




Estée Lauder 'Double Wear' Stay-in-Place Powder Makeup SPF 10



البودره الجملية دي صدمتنيييييييييي مررره صراحه ماتوقعتها فل كفر ومررره ناعهم تخلي الوجه مخملي طلعت بودره مضغوطه مو بودر فانديشن انا حسيتها مظلومه نوعا ما عندنا لاني ماقد شفت احد اتكلم عنها غير الاجانب في اليوتوب انا حطيتها على وجهي حق تقريبا ٥ ساعات ثباتها كان جميل جدا و غير كدا حتى لمن وجهي زيت مااتغير لونها و اتاكسدت زي بودره البرو فينش من ميك اب فور ايفر  وهدي درجتي   6W1 SANDALWOOD   مرررره  انصح بيها البودره دي بس اهم شي ترطبي بشرتك كويس سواء كانت دهنية او جافه


Anastasia Beverly Hills Dipbrow Pomade Waterproof Brow Color 


من يوم مابدات احط ميك و اسوي حواجبي مااتسخدمت غير الجيل برو حق ميك الب فور ايفر اللي تجي معاه فرشتين وحده لمشيط الحواجب و التانية رسم الجاحب فطبعا كل فترة يطلع منتج جديد ابدا ماكان في بالي اني اجرب غيرو لمن قررت اغيرو شفت كل البنات طايحيين في انستازيا فقلت اجربها واشوف كيف راح يعجبني و لا لا . انا صراحه ماتوقعت اني مرررره راح يعجبني  الجيل مررره ناعم زي الزبدة على الحواجب و ضد المويه ولونوا جدا طبيعي على الجواحب صراحه مهما مدحت فيه احس شهادتي مجروحه فيه 


Estée Lauder 'Double Wear' Stay-in-Place Flawless Wear Concealer


اول مافتحت الكونسلير و شميت ريحتو يشبه ريحه ماك ستوديو فكس فلويد الفانديشن الكونسلير تركيبتو سميكه و ثيك على فكره يعطي الهالات و الحبوب . كان احاس الكونسيلر حلووو مو كانك حاطه طبقه تحت العين  و الحمد لله مااتكتل معايا . انا لمن جيت استخدموا حطيتوا من غير الكوركتر الاورنج . الباكجيج مررره عجبني مع انو جدا بسيط الحلو فيه انو بلاستك يعني لو طالح في الارض ماتخافي عليه من الكسر 






و نشوفكم على خير 

1 comment Favorites