صباح \ مساء الخير ياجميلات
اليوم التدوينة راح تكون عن تحدي الميك بقيمة ٣٠٠ ريال و طبعا صاحبه الفكره الاساسية البلوقر مسك و بالتعاون مع مجموعة رائعة من البلوقرز و هن
و يلا نبدأ
اول خطوه في الميك بعد مااغسل وجهي و ارطبو ابدأ بالستينج سبراي و بعد ماينشف بدقايق احصط البرايمر
e.l.f. Mineral Infused Face Primer
e.l.f. Makeup Mist & Set
المنتجين من الف
الاسعار البرايمر ٢٢ ريال
الستيج سبراي ١١ ريال
ثاني خطوه و هيا الكونسيلر اغطي اثار الحبوب و البقع بالطبطبة و بعدو الفانديشن وهو عباره عن فانديشن ستيك مضاد للمعة و جدا خفيف مهو ثقيل يصلح للاستخدام اليومي
و بالنسبة للاسعار الفانديشن
٧٥ ريال FIT ME® SHINE-FREE
و الكونسيلر ١٣ ريال
ثالث شي البودره
البودره دي لونها في الصوره بيج مصفر بس لمن تحطيها على يدك مافيها . اثبت بيها الفانديشن و الكونسيلر
رقمها ٢ و سعرها ٦٦ ريال
رابع شي الكنتور و الهايلات من سليك البودره جدا نامة و تندمج بسهولة
خامس شي البلشر وهو من كلوب بوب اسم الدرجة never been kessied
اللون جدا جميل للاستخدام اليومي ، الحلو في كل،و بوب ثباتها عالي والوانها واضحه
سادس شي العيون
اول شي استخدم برايمر على كامل الجفن من اسنس
و بعد كدا اخط اللون البني على كامل الجفن لانو مكياج يومي او ميك اب سريع و ماابغى اكتر
بعد كدا الاضاءه من برجوا احطها عند مدمع العين
الباليت من الف
e.l.f. Mad for Matte Eyeshadow Palette
سعر الباليت ٣٨
و الاضاءه من بورجوا
٥٨
نجي للايلاينر الكريمي من ميبلين
انا افضل الايلاينر الكريمي لاني ارسم داخل عيوني بيه و ماسبب لي حساسية
و مرره مريمي و سلس في الرسم
سعروا ٧٠ ريال
نجي للحواجب
افضل استخدم اي شدو بودره لانو يبان طبيعي اكتر
اللون في الصوره باين فاتح بس هو بني غامق
اللون اسمو موكا من ميكب قيك
السعر ٢٢ ريال
EXCESS VOLUME
EXTREME IMPACT MASCARA
افضل ماسكارا جربتها من الدرق ستور
من ماكس فاكتور
سودها فاحم و تطول و تكثف الرموش
ولها رأسين واحد يكثف والثاني يطول
متوفره في كل مكان
سعرها ٦٨ ريال
أرواج نكس المطفية \ MATTE LIPSTICK From NYX
ارواج نكس المطفية و جودتها العالية اللي خلت كتير من البلوقر الاجانب و العرب يقارنوها باارواج ماك المطفية مع فرق السعر طبعا
متوفره في سنتر بوينت و تلاقوها اون لاين في امازون
و بالنسبة للثبات تجلس معاكي تقريبا لمدة ٥ ساعات هدا طبعا ازا مااكلتي
احساسها جدا مريح على الشفايف مهي ناشفه مررره صح مات بس كريمية
و سعرها كمان مررره في متناول اليد ماتعدي ٥٠ ريال
طبعا الدرجات اللي عندي هيا
PERFECT RED - BRIGHT BLUE-TONED RED
BLOODY MARY - BLUE-TONED CRANBERRY RED
SHOCKING PINK - BLUE-TONED HOT PINK
و الحمدلله خلصت البوست و ان شاء الله يعجبكم
0 comments:
Post a Comment